ASNN – Kategoria Superiore luan sot të gjitha takimet e javës së saj të 17-të dhe, duke nisur nga ora 13:00, luhen 3 prej këtyre ndeshjeve.
Tirana është mysafire në Kukës, për t’u ndeshur me skuadrën vendase, Laçi pret në fushën e vet Elbasanin, ndërsa në Durrës përballen me njëra-tjetrën në një derbi për mbijetesë Teuta dhe Apolonia.
Dy takimet e tjera të ditës së sotme luhen duke nisur nga ora 16:00 dhe Skënderbeu pret në Korçë Flamurtarin, ndërsa në kryeqytet, Partizani ndeshet me Vllazninë.
Kjo ndeshje, që vë përballë kryesuesen e Kategorisë Superiore me skuadrën më në formë të momentit, pasi Vllaznia ka korrur 4 fitore radhazi në këto 4 javët.
Ky takim, padyshim më i spikatur i kësaj jave, do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 16:00.
Në prag të ndeshjeve të sotme, Partizani kryeson renditjen e Kategorisë Superiore, me 33 pikë, një më tepër sesa Tirana dhe Kukësi, kurse kampionia në fuqi, Skënderbeu, mban vendin e 4-t, me 30 pikë.
