ASNN – Është luajtur të dielën vetëm një ndeshje e javës së 20-të të Kategorisë së Parë dhe nuk ka fitues në Fushë-Krujë, pasi Kastrioti dhe Lushnja shënojnë nga një gol dhe ndajnë nga një pikë në barazim 1-1 në përballje midis tyre, të zhvilluar në Stadiumin “Redi Maloku” të Fushë-Krujës.

Sfida nisi mjaft mirë për të besuarit e trajnerit Gugash Magani, pasi ishin miqtë që kaluan në epërsi në minutën e 28-të të takimit, me anë të Preknicajt. Me këtë epërsi minimale të lushnjarëve do të mbyllet pjesa e parë, ndërsa barazimi erdhi vetëm në pjesën e dytë nga ekipi i Ramadan Ndreut me Kapllanin në minutën e 54-t.

Kështu, pas këti barazimit, Lushnja qëndron në vendin e 7-të me 23 pikë, ndërsa Kastrioti ndodhet ende në luftën për mbijetesë, në vendin e 10-të, me 16 pikë. Ndërkaq, ndeshja e fundit e kësaj jave, “derbi” midis Luzit 2008 dhe Besës, luhet të hënën në Stadiumin “Roza Haxhiu” të Lushnjës.

Kategoria e Parë

Java e 20-të

Të shtunën, 10 shkurt 2024:

BYLIS – APOLONIA                                     3-1

Shënues: Kamara 56’, Kastrati 65’, Xheferson 72’/ Omeri 90’+3

FLAMURTARI – BURRELI                         4-2

Shënues: Batha 30’, Diamanti 31’, Shkurtaj 65′, Lleshi 90’+4 / Sidibe 82’(ag), Andrade 85’

KORABI – VORA                                          1-2

Shënues: Mziu 32’/ Shani 8’, Xhabrahimi 90’+22

TOMORI – ELBASANI                                 1-3

Shënues: De Oliviera 72’/ Telushi 19’, Lleshi 43’, Melo 61’

Të dielën, 11 shkurt 2024:

KASTRIOTI – LUSHNJA                             1-1

Shënues: Kapllani 54’ / Preknicaj 28’

Të hënën, 12 shkurt 2024:

LUZI 2008 – BESA                                       (13:30)

Stadiumi “Roza Haxhiu”, Lushnjë