ASNN – Vllaznia ka mposhtur të shtunën në Lezhë me një gol të vetëm Besëlidhjen, duke mbetur e vetmja skuadër që i ka fituar të gjitha takimet e këtyre 4 javëve të para në Kategorinë e Parë. Ky takim u soll për sportdashësit drejtpërdrejt dhe ekskluzivisht nga Rrjeti i Radio-Televizionit Shqiptar, që do të sjellë edhe të dielën takimin e fundit të kësaj jave, atë midis Besës dhe Bylisit, që luhet duke nisur nga ora 16:00.
Kategoria e Parë ka luajtur të shtunën 9 nga ndeshjet e javës së saj të 4-t në të dy grupet dhe Vllaznia mbetet skuadra me 4 fitore në po aq takime të këtij fillimsezoni. Shkodranët kanë fituar me një gol të vetëm në Lezhë ndaj Besëlidhjes, në takimin që u soll për sportdashësit drejtpërdrejt dhe ekskluzivisht nga Rrjeti i Radio-Televizionit Shqiptar.
Takimet e tjera të grupit A dhanë këto rezultate: Dinamo-Erzeni i Shijakut 2-1, Korabi i Peshkopisë-Vora 0-0, Burreli-Shënkolli 1-0 dhe Veleçiku i Koplikut-Iliria e Fushë-Krujës 1-0. Ndërkaq, në grupin B, apo grupin e Jugut, janë luajtur 4 takime e më konkretisht, Pogradeci-Egnatia e Rrogozhinës 3-1, Tomori-Oriku 1-1, Elbasani-Apolonia 1-2 dhe Lushnja-Turbina e Cërrikut 1-1.
Takimi i fundit i javës së 4-t të këtij grupi, ai midis Besës së Kavajës dhe Bylisit, do të luhet të dielën dhe do të sillet për sportdashësit drejtpërdrejt dhe ekskluzivisht nga Rrjeti i Radio-Televizionit Shqiptar, duke nisur nga ora 16:00.
Kategoria e Parë
Java e 4-t
Grupi A
Të shtunën, 29/09/2018:
Besëlidhja – Vllaznia 0-1
Dinamo – Erzeni Shijak 2-1
Korabi Peshkopi – Vora 0-0
Burreli – Shënkolli 1-0
Veleçiku Koplik – Iliria Fushë-Krujë 1-0
Grupi B
Të shtunën, 29/09/2018:
Pogradeci – Egnatia Rrogozhinë 3-1
Tomori – Oriku 1-1
Elbasani – Apolonia 1-2
Lushnja – Turbina Cërrik 1-1
Të dielën, 30/09/2018:
Besa Kavajë – Bylis (16:00)
