ASNN – Janë luajtur dje dy ndeshjet e javës së 4-t të nivelit të dytë të Kampionatit Kombëtar të Basketbollit për Meshkuj dhe Partizani ka korrur një tjetër triumf për ditëlindjen e “ish”-ëve. Ka qenë dje 65-vjetori i lindjes së Festim Ismetit, trajnerit që kontribuon prej 42 vjetësh në klubin e kuq me moshat.

Një sërë brezash të dalë prej duarve të tij, mbi 30 trofe, por asnjë shpërblim, por dje të paktë ka marrë një triumf 66-44 të Partizanit, që ka konsoliduar kreun e renditjes me pikë të plota, 8. Ndërkohë, korçarët nuk kanë mundur të fitonin dje as ndeshjen e mbijetesës, pasi prisnin në shtëpi Elbasanin e vendit të parafundit.

E në këto kushte kishin një mundësi të mirë për t’i lënë elbasanasit në vendin e fundit. Por një gjë e tillë nuk ka ndodhur dhe, pas javës së 4-t, është Skënderbeu që e shikon veten në fund të renditjes, me 3 humbje dhe asnjë fitore, ndërkohë që Elbasani dje ka shënuar fitoren e parë në këtë sezon, duke triumfuar 83-72.

Kampionati Kombëtar

i Basketbollit – Meshkuj

Kategoria e Parë

Java e 4-t

(5 nëntor 2016)

Të shtunën:

Tirana Eagles Basket – Partizani              44-66

Skënderbeu – Elbasani                              72-83

Apolonia                                                        pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                4          4          0          327-199         8
2. Tirana Eagles Basket          3          2          1          197-177         5
3. Elbasani                                3          1          2          207-226         4
4. Apolonia                                3          1          2          153-238         4
5. Skënderbeu                          3          0          3          200-244         3