ASNN – Të shtunën janë luajtur ndeshjet e javës së 3-të në të dy grupet e Kategorisë së Parë të Kampionatit Kombëtar të Futbollit, duke konfirmuar Besëlidhjen në Veri, si dhe surprizën e këtij sezoni, Sopotin, në Jug.

Besëlidhja jo vetëm që ka shpërthyer në gola, por dje ka marrë dhe kreun e grupit të Veriut pas javës së tretë, teksa tashmë kryeson me 9 pikë të plota. Lezhjanët ndiqen nga Mamurrasi, që barazoi 1-1 në Kavajë me Besën, si dhe Tërbuni, që fitoi 4-2 në Fushë-Krujë ndaj Ilirisë vendase, me nga 7 pikë secila.

Në grupin e Jugut, Sopoti ka marrë një barazim 2-2 me Dinamon në Cërrik, në një ndeshje përmbysjesh. Librazhdasit kryesojnë 1-0, por blutë kryeqytetas kanë shënuar dy herë nga goditje të lira, duke përmbysur shifrat në 2-1. Në fund, Sopoti gjen edhe golin e barazimit dhe merr pikën që e mban në krye.

Pas librazhdasve, në renditje janë 4 skuadra me nga 6 pikë secila. Butrinti ka marrë një fitore 2-0 ndaj Bylisit në Ballsh, duke u barazuar me vendasit në kuotën e 6 pikëve. Ndërsa, pogradecarët, edhe pse vuajtën gjatë gjithë lojës për të shënuar, golin e fitores e kanë arritur në minutën e 79-të, me anë të kapitenit Pengu.

Tomori fiton “sfidën e gurtë”, duke mundur Luftëtarin në javën e tretë të kampionatit. Dy vlonjatë dhe kapiteni Arbëri nderojnë Memushin dhe kthejnë skuadrën tek fitorja pas humbjes së rëndë në Sarandë. Tomori kthehet i sigurt në shkallet e sipërme të klasifikimit, kurse Luftëtari hyn në një krizë rezultatesh.

Kategoria e Parë

Grupi A

Java e tretë

(18 tetor 2014)

Iliria Fushë-Krujë – Tërbuni           2-4

Besëlidhja – Veleçiku                     5-0

Burreli – Ada Velipojë                     2-0

Besa – Mamurrasi                            1-1

Kamza – Kastrioti                             1-0

Renditja

Nr.       Skuadra                     N.        F.         B.        H.        Gsh-Gp          Pikë

1. Besëlidhja 3          3          0          0          7-0                  9
2. Mamurrasi 3          2          1          0          6-1                  7
3. Tërbuni 3          2          1          0          6-3                  7
4. Veleçiku 3          2          0          1          4-5                  6
5. Besa 3          0          3          0          3-3                  3
6. Iliria Fushë-Krujë 3          1          0          2          4-5                  3
7. Burreli 3          1          0          2          2-4                  3
8. Kamza 3          1          0          2          1-4                  3
9. Kastrioti             3          0          1          2          1-4                  1
10. Ada Velipojë 3          0          0          3          0-5                  0

Grupi B

Java e tretë

(18 tetor 2014)

Sopoti – Dinamo                  2-2

Bylis – Butrinti                      0-2

Tomori – Luftëtari                 3-1

Pogradeci – Shkumbini      1-0

Naftëtari – Lushnja              2-2

Renditja

Nr.       Skuadra         N.        F.         B.        H.        Gsh-Gp          Pikë

1. Sopoti 3          2          1          0          4-2                  7
2. Butrinti 3          2          0          1          6-1                  6
3. Bylis 3          2          0          1          4-3                  6
4. Pogradeci 3          2          0          1          2-2                  6
5. Tomori 3          2          0          1          4-5                  6
6. Dinamo 3          1          2          0          5-3                  5
7. Lushnja 3          1          1          1          4-3                  4
8. Naftëtari 3          0          2          1          3-4                  2
9. Shkumbini 3          0          0          3          1-5                  0
10. Luftëtari 3          0          0          3          1-6                  0