ASNN – Pasi janë mundur në gjysmëfinale 2-3 nga Teuta dhe kanë fituar me vështirësi për vendin 3-4 në Kupën e Shqipërisë, 3-2 ndaj Tiranës, dje shkodranët janë mundur 2-3 në kampionat nga Farka Volej.

Në fakt, me atë nisje pozitive e krejt shpërthyese, kur djemtë kuqeblu të drejtuar nga trajneri i tyre Artan Kalaja kaluan me sukses dy setet e parë të ndeshjes, të parin 25-13 dhe të dytin 25-22, u duk se Vllaznia do të niste të reflektonte në kampionat për të përligjur atë paraqitje dinjitoze që kanë bërë në gjysmën e parë të sezonit, teksa kanë qenë lider të kampionatit.

Por nuk ka ndodhur ashtu, sepse më pas loja ka marrë tjetër rrjedhë dhe skuadra e Dritan Bardhit ka përmbysur gjithçka në 3-2. Ndërkaq, Tirana është rikthyer tek fitorja pas gjashtë humbjeve radhazi, katër në kampionat dhe dy në Kupën e Shqipërisë.

Por në fakt dhe ka bërë eksperimente, sidomos në setin e tretë, atje ku i është dashur punë e madhe për ta përmbysur epërsinë e elbasanasve. Në takimin e fundit të javës së 15-të të Kampionatit Kombëtar të Volejbollit për Meshkuj, Teuta ka mundur 3-0 Skënderbeun.

Kampionati Kombëtar

i Volejbollit – Meshkuj

Java e 15-të

(16 mars 2016)

Teuta – Skënderbeu                       3-0

Tirana – Elbasani                            3-0

Vllaznia – Farka Volej                     2-3

Studenti                                             pushim

Renditja

Nr.       Skuadra         N.        F.         H.        Setet               Pikë

1. Studenti         12        10          2        32-13              28
2. Vllaznia         13          9          4        31-20              27
3. Tirana             13          8          5        29-17              26
4. Farka Volej    13          8          5        28-20              23
5. Teuta              13          8          5        29-22              23
6. Skënderbeu  13          2        11          9-34                6
7. Elbasani        13          0        13          7-39                2