ASNN – Është luajtur dje ndeshja e parë e javës së 12-të të Kategorisë së Parë të Kampionatit Kombëtar të Basketbollit për Femra dhe Skënderbeu ka arritur një fitore “in-extremis” në kryeqytet ndaj Studentit

Korçaret, mjeshtre të 3-pikëshave, 9 të tilla në 40 minuta, ia kanë dalë të përmbysin disavantazhin prej 12 pikësh dhe më pas të fitojnë të gjithë ndeshjen vetëm me një pikë diferencë, 64-63 kundrejt vajzave të trajneres Mitku.

Tri takimet e tjera të kësaj jave luhen sot dhe, duke nisur nga ora 11:00, Flamurtari pret në Vlorë Kamzën, ndërsa një orë më vonë, Goga Basket përballet në fushën e vet, në Durrës, me Vllazninë.

Takimi i fundit i javës së 12-të të Kategorisë së Parë të Kampionatit Kombëtar të Basketbollit për Femra është ai që nis në ora 16:00 në Pallatin e Sportit “Tomorr Sinani”, midis Elbasanit vendas dhe Tiranës.

Kampionati Kombëtar

Basketboll – Femra

Java e 12-të

(26-27 shkurt 2016)

Të premten:

Studenti – Skënderbeu                  63-64

Të shtunën:

Flamurtari – Kamza Basket            ora 11:00

Goga Basket – Vllaznia                  ora 12:00

Elbasani – Tirana                            ora 16:00

Renditja

Nr.       Skuadra                     N.        F.         H.        Psh-Pp           Pikë

1. Flamurtari 11        11        0        834-648         22
2. Goga Basket 11        8        3        822-690         19
3. Tirana             11        7        4        788-716         18
4. Vllaznia 11        7        4        768-710         18
5. Skënderbeu 12        6        6        835-842         18
6. Studenti 12        3        9        661-827         15
7. Kamza Basket 11        3        8        560-632         14
8. Elbasani 11        0        11        607-809         11