Partizani, që tashmë drejtohet nga dyshja Arben Fagu dhe Elvis Ismeti e që fatkeqësisht merr pjesë në Kategorinë e Parë, ka nxjerrë “dhëmbët” që në ditën e parë. Në fakt ndaj Elbasanit nuk është se ka shkëlqyer, por në fund ia ka dalë të fitojë. Pjesa e parë ka qenë e ekuilibruar, por, në fund, të kuqtë kanë fituar me 6 pikë diferencë 16-10.

Ajo që duket se i ka vënë vulën suksesit të Partizanit ka qenë pjesa e dytë, të cilën të kuqtë e kanë fituar 31-14 dhe në pushim kanë shkuar me epërsinë 47-24. Sigurisht që lojtarët janë ngarkuar me gabime personale dhe Dervishi e ka lënë lojën me 5 gabime personale në pjesën e dytë, teksa Partizani kryesonte 40-20. Pas pushimit Elbasani nis të reagojë ndryshe.

Fiton pjesën e tretë 8-16 dhe shkurton në 55-40. Ka dhe momente gjaknxehtësie, sepse në një përplasje mes Gozhdarit dhe I. Skëndajt ky i fundit ka mbetur i dëmtuar. Aq sa njëri nga gjyqtarët i ka kërkuar trajnerit të Partizanit, Elvis Ismeti, që të gjejnë një mundësi për ta mjekuar, teksa vazhdojnë skuadrat të mos kenë mjek. Por në këtë moment ka reaguar B. Skëndaj, që ka nisur të ofendojë dhe të konfrontohet me Gozhdarin.

Ndëshkim me gabim teknik për Skëndajn, por dhe teknik këshillimi për Gozhdarin. Ka vijuar loja dhe pjesa e katërt është në barazim 15-15 dhe totalin 70-55 për Partizanin, që gjithsesi ka ende për të shkëlqyer në lojën e vet.

Partizani – Elbasani             70-55

(16-10, 31-14, 8-16, 15-15)

Partizani: Gozhdari (2), Pregja (9), Dervishi, F. Ismeti (14), Jareci (2) / Ikonomi (5), Troja (2), Laçi (5), Qilimi (5), Pylla (14), Babasuli, Selimaj (11). Trajner: F. Ismeti / A. Fagu

Elbasani: B. Skëndaj (21), I. Skëndaj (10), Uruçi (12), Leka (7), Biçoku / Mata, Balliu (5), Guxha. Trajner: B. Sinani

Gjyqtarë: H. Trajer, S. Tafilica (Shkodër)

Kampionati Kombëtar

i Basketbollit – Meshkuj

Kategoria e Parë

Java e parë:

(14 tetor 2016)

Të premten:

Partizani – Elbasani                                    70-55

Të shtunën:

Apolonia – Skënderbeu                 ora 16:00

Tirana Eagles Basket                      pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                1          1          0          70-55              2
2. Elbasani                                1          0          1          55-70              1
3. Apolonia                                0          0          0            0-0                0
4. Tirana Eagles Basket          0          0          0            0-0                0
5. Skënderbeu                          0          0          0            0-0                0