ASNN – Laçi ka fituar 1-0 me Skënderbeun pas një loje të mbushur me episode që mbajnë si protagonist gjyqtarin kryesor të takimit, Enea Jorgji. Ai ka nxjerrë 3 kartonë të kuq, dy për Laçin e një për Skënderbeun duke shkaktuar edhe irritimin e tifozëve vendas.

Ndërkohë, Kukësi ka fituar 4-0 me Elbasanin dhe ngjitet në krye të renditjes, me 61 pikë pas 29 javësh. Disfata 1-0 ka zbritur korçarët nga kreu. Golin e vetëm të takimit e ka shënuar Sefgjini në çastet e fundit të minutës së 4-t shtesë të takimit, duke çuar në delir tifozerinë laçjane.

Kështu, Skënderbeu ka humbur në Laç edhe pse vendasit e kanë mbyllur sfidën me 9 lojtarë për shkak të kartonëve të kuq. Kukësi ka mundur Elbasanin me rezultatin 4-0, duke u ngjitur në vendin e parë. Pero Pejiç ka qenë autor i dy prej golave, duke shkuar kështu në kuotën e 24 govale në këtë kampionat.

Në takimet e tjera, Tirana ka fituar 2-1 sfidën me Flamurtarin duke qëndruar në garën për titull. Golin që ka përcaktuar triumfin e ka shënuar Bushiç. Vllaznia ka mundur Teutën me rezultatin 1-0. Këto pikë e largojnë akoma më shumë ekipin shkodran nga zona e rënies nga kategoria.

Ndërkaq, Partizani ka fituar me një gol të vetëm në kryeqytet ndaj Apolonisë. Pas javës së 29-të, Kategoria Superiore udhëhiqet nga Kukësi, me 61 pikë, por ndjekësit janë pranë me pikë, pasi Skënderbeu ka 60, Partizani 59, ndërsa Tirana mban vendin e 4-t, me 57 pikë. Laçi mbetet i 5-ti, me 53 pikë.

Kategoria Superiore

Java e 29-të

Të shtunën, 4 prill 2015:

VLLAZNIA – TEUTA             1-0

Shënues: Rizvani 45+1’(a.g.)

Stadiumi “Loro Boriçi”, Shkodër

ELBASANI – KUKËSI          0-4

Shënues: Xheferson 9’, Pejiç 39’, 47’, (11-m.), Dushku 70’

Stadiumi “Elbasan Arena”, Elbasan

LAÇI – SKËNDERBEU       1-0

Shënues: Sefgjini 90+4’

Stadiumi i Laçit

FLAMURTARI – TIRANA    1-2

Shënues: Bregu 47’ / Muça 3’, Bushiç 57′

Stadiumi “Flamurtari”, Vlorë

PARTIZANI – APOLONIA   1-0

Shënues: Raçiç 71’

Stadiumi “Loni Papuçiu”, Fier

Renditja

Nr.       Skuadra         N.        F.         B.        H.        Gsh-Gp          Pikë

1. Kukësi 29        19        4          6        47-20              61
2. Skënderbeu 29        18        6          5        43-14              60
3. Partizani 29        18        5          6        31-16              59
4. Tirana 29        17        6          6        37-19              57
5. Laçi             29        15        8          6        36-16              53
6. Flamurtari 29        9        7          13        23-26              34
7. Vllaznia 29        11        3          15        24-31              33
8. Teuta             29        7        2          20        25-44              23
9. Apolonia 29        4        4          21        9-46              16
10. Elbasani 29        4        1          24        15-58              13