ASNN – Do të luhen këtë të mërkurë ndeshjet e para të turit tëdytë të Kupës së Shqipërisë, ku 16 skuadrat që kanë kaluar në këtë fazë do të zbresin në fushën e lojës për t’u përballur me njëra-tjetrën. Janë gjithsej 8 sfida dhe 7 prej tyre do të luhen duke nisur nga ora 14:00, ndërsa ndeshja më interesante e kësaj faze mes  Dinamos dhe Tiranës do të nisë në ora 16:45.

Në grupin A, Korabi do të përballet në shtëpi me Teutën e trajnerit Edi Martini, ndërsa Partizani i trajnerit Ilir Daja do të luajë në fushën e Besëlidhjes. Drejt Mallakastrës do të udhëtojë Skënderbeu, që do të luajë një sfidë mjaft interesante ndaj Bylisit, ndërsa ora 16:45 rezervon derbin e kryeqytetit, midis Dinamos dhe Tiranës që do të luhet në Stadiumin “Arena Kombëtare”.

Në ora 14:00 do të luhen edhe të gjitha ndeshjet e grupit B. Laçi do të luajë në Berat kundër Tomorit vendas, ndërsa shkodranët e Vllaznisë, të drejtuar nga trajneri gjerman, Tomas Brdariç, do të udhëtojnë drejt Pogradecit. Kukësi do të sfidojë në Rrogozhinë Egnatian e trajnerit Gugash Magani, ndërsa Kastrioti do të masë forcat në Vlorë me Flamurtarin.

Kupa e Shqipërisë

Turi i 16-shes

Grupi A

Të mërkurën, 3 nëntor 2021:

Korabi – Teuta                                   (14:00)

Besëlidhja – Partizani                      (14:00)

Bylis – Skënderbeu                          (14:00)

Dinamo – Tirana                               (16:45)

Grupi B

Të mërkurën, 3 nëntor 2021:

Tomori – Laçi                                     (14:00)

Pogradeci – Vllaznia                                    (14:00)

Egnatia Rrogozhinë – Kukësi        (14:00)

Flamurtari – Kastrioti                        (14:00)