ASNN – Veprimtaria e dytë e futbollit në vend, Kupa e Shqipërisë, pritet të zgjidhë sot pasdite enigma e finales, pasi të katër skuadrat luajnë shanset. Në Stadiumin Kombëtar “Qemal Stafa” në kryeqytet, Tirana dhe Laçi janë ndarë në barazim pa gola në takimin e para dy javëve. Në të tilla kushte gjithçka mbetet për t’u zgjidhur sot, në ndeshjen e kthimit, e cila luhet në Stadiumin e Laçit, duke nisur nga ora 15:30.

Ndërkohë, Pero Pejiç, shënuesi më i mirë i Kategorisë Superiore me 24 gola, i ka dhënë Kukësit fitoren në gjysmëfinalen e parë të Kupës së Shqipërisë. Goli i tij ka vlejtur i çon verilindorët me një epërsi minimale në ndeshjen e kthimit ndaj kampionëve në fuqi. Kjo ndeshje do të luhet në Stadiumin “Skënderbeu” të Korçës, duke nisur nga ora 17:30.

Ajo që i bën më intriguese këto gjysmëfinale, është fakti se 4 skuadrat gjysmëfinaliste janë midis 5 vendeve të para të renditjes së Kategorisë Superiore, ndërsa Skënderbeu, Kukësi dhe Tirana janë përfshirë në një betejë të ethshme për titullin “kampion”.

Kupa e Shqipërisë

Gjysmëfinalet:

Ndeshjet e kthimit:

(22 prill 2015)

Të mërkurën:

Laçi – Tirana                         ora 15:30       (0-0)

Stadiumi i Laçit

Skënderbeu – Kukësi         ora 17:30       (0-1)

Stadiumi “Skënderbeu”, Korçë