ASNN – Kategoria Superiore e Kampionatit Kombëtar të Futbollit ka luajtur sot pasdreke 3 takimet e para të javës së saj të 25-të dhe Kukësi është shkëputur në krye të renditjes, pas fitores 5-2 që arriti në fushën e vet ndaj Teutës.

Verilindorët e drejtuar nga trajneri Artim Shaqiri janë rikthyer sot te fitorja pasi kanë mposhtur në shtëpi durrsakët në një ndeshje të mbushur me gola. Me fitoren e arritur sot, Kukësi e sheh veten në kuotën e 52 pikëve, 4 pikë më shumë se Skënderbeu.

Në takimin tjetër, të luajtur në Durrës, Partizani ka arritur të kë marrë një fitore mjaft të rëndësishme përballë vlonjatëve, fitore që e ndihmon që të qëndrojë sa më afër kreut të rënditjes.

Të kuqtë e drejtuar nga Duro kanë arritur të përmbysin rezultatin e pjesës së parë, duke shënuar 2 gola në pjesën e dytë dhe duke arritur suksesin e radhës. Partizani ka tashmë 47 pikë, po aq sa Tirana e vendit të 3-të, por që ka luajtur një ndeshje më pak.

Në takimin e fundit të pasdrekes, skuadra e drejtuar nga Armando Cungu kanë fituar sot në shtëpi 1-0 përballë Vllaznisë duke iu falur një gafe të portierit Selimaj dhe duke shënuar me anë të Veliajt.

Laçi vazhdon kështu serinë e rezultateve pozitive dhe e sheh veten në kuotën e 41 pikëve. Java e 25-të vazhdon sot me takimin e orës 17:00, midis Skënderbeut dhe Tiranës, dhe mbyllet të enjten pasdreke, me takimin e orës 14:00, Elbasani-Apolonia.

Kategoria Superiore

Java e 25-të

Të mërkurën, 4 mars 2015:

PARTIZANI – FLAMURTARI                                  2-1

Shënues: Rrahmani 57’, Raçiç 78’ / Telushi 21’

Stadiumi “Niko Dovana”, Durrës

KUKËSI – TEUTA                                                     5-2

Shënues: Malota 33’, Pejiç 51’, 84’,

Pit 54’, 68’ / Kastrati 47’ Nika 58’

Stadiumi “Ymer Zeqiri”, Kukës

LAÇI – VLLAZNIA                                                     1-0

Shënues: Veliaj 25’

Stadiumi i Laçit

SKËNDERBEU – TIRANA                                      (17:00)

Stadiumi “Skënderbeu”, Korçë

Të enjten, 5 mars 2015:

Elbasani – Apolonia                                                 (14:00)

Stadiumi “Gjorgji Kyçyku”, Pogradec

Renditja

Nr.       Skuadra                     N.        F.         B.        H.        Gsh-Gp          Pikë

1. Kukësi 25        16        4          5        38-18              52
2. Skënderbeu 24        15        6          4        33-11              48
3. Tirana 23        14        5          4        30-15              47
4. Partizani 24        14        5          5        23-13              47
5. Laçi 24        11        8          5        29-15              41
6. Flamurtari 24        9        7          8        22-16              34
7. Vllaznia 25        9        3          13        22-28              27
8. Teuta 25        6        1          18        23-41              19
9. Elbasani 24        4        1          19        13-42              13
10. Apolonia 24        2        4          18        6-40              10