ASNN – Niveli më i lartë i Kampionatit Kombëtar të Basketbollit për Meshkuj, që njihet si Superliga, i ka luajtur dje dy ndeshjet e para të javës së saj të 6-të, duke dhuruar surpriza. Kështu, Vllaznia ka mposhtur Teutën me rezultatin e ngushtë 62-59, ndërsa Kamza Basket ka mposhtur Ardhmëria Basketin me shifrat 68-57.
Vllaznia dhe Teuta i kanë dhuruar një shfaqje të bukur publikut shkodran në përballjen që ato patën mes tyre mbrëmjen e së premtes në pallatin e sportit “Qazim Dervishi”. Një ndeshje që për hir të vërtetës, parë edhe nga ecuria e saj, duhet pranuar se ishte e çuditshme, por që u zgjidh nga një kosh i fundit.
Kamza Basket ka gjetur fitoren e radhës dje në fushën e saj, ndërsa në sallën sportive të Bathores ka mundur Ardhmërinë Basket, 68-57. Mirëpo dhe pse ka ndodhur kështu, trajneri i Kamza Basket, Adem Muhametaj, ka qenë i pakënaqur me gjykimin e treshes Gilbert Hoxha, Andi Bejko dhe Olti Kasmi.
Takimi i fundit i javës së 7-të të Superligës së Kampionatit Kombëtar të Basketbollit për Meshkuj, është ai që do të luhet sot pasdreke në Pallatin e Sportit “Flamurtari” të Vlorës, midis vendasve dhe Tiranës. Kjo ndeshje do të shohë edhe rikthimin, pas 5 vjetësh, në ngjyrat bardheblu të Gerti Shimës.
Kampionati Kombëtar
i Basketbollit – Meshkuj
Superliga
Java e 5-të
(11-12 nëntor 2016)
Të premten:
Kamza Basket – Ardhmëria Basket 68-57
Vllaznia – Teuta 62-59
Të shtunën:
Flamurtari – Tirana ora 13:00
Renditja
Nr. Skuadra N. F. H. Psh-Pp Pikë
- Teuta 5 3 2 378-301 8
- Tirana 4 4 0 332-264 8
- Vllaznia 5 3 2 365-331 8
- Kamza Basket 5 3 2 363-353 8
- Ardhmëria Basket 5 1 4 330-332 6
- Flamurtari 4 0 4 168-355 4
