ASNN – Skënderbeu triumfon edhe në kryeqytet ndaj Tiranës, Vllaznia mund “kampionet” e Partizanit. Janë plot 6 ndeshje, po aq fitore, plot 18 sete të fituara dhe asnjë i humbur. Është ky bilanci i deritanishëm i ekipit të Skënderbeut, që po mbizotëron në Superligën e Kampionatit Kombëtar të Volejbollit për Femra.

Korçaret e drejtuara nga trajneri shkodan, Besnik Lisha, fituan në sfidën e fundit 3-0 ndaj Tiranës, në një përballje mes dy ekipesh pretendente për titull. Një ndeshje dhe fitore e vështirë për Skënderbeun, që vuajti jo pak për të marrë 3 pikët teksa triumfoi në 3 sete (25-22, 25-13, 26-25), por pas thuajse një ore e gjysmë lojë.

Tirana u përpoq të rivalizojë, por gaboi në momentet e fundit të setit të 3-të, edhe pse iu afrua fitores së setit në dy raste, por pa sukses. Një fitore të rëndësishme jashët fushe korri Vllaznia, që mundi 3-2 në kryeqytet Partizanin “kampion” në fuqi. Shkodranet kaluan në epërsi të dyfishtë, pasi fituan 25-23, 25-18 dy setet e para, por të “kuqtë” rikuperojnë, duke fituar 25-17, 25-16 dy setet e tjera.

Në setin final ka shumë emocione, me Vllazninë që fiton në pikët shtesë 18-16, duke

u ngjitur në vendin e dytë. Dy takimet e fundit të javës të 6-të të Superligës së Femrave, Lushnja-Flamurtari dhe Barleti Volej-Apolonia, luhen të dielën, më 14 nëntor 2021.

Kampionati Kombëtar

i Volejbollit – Meshkuj

Superliga

Java e 6-të

Të premten, 12 nëntor 2021:

Tirana – Skënderbeu           0-3

Partizani – Vllaznia              2-3

Të dielën, 14 nëntor 2021:

Lushnja – Flamurtari

Barleti Volley – Apolonia

Renditja

Nr.       Skuadra         Pikë

1. Skënderbeu  18
2. Vllaznia         14
3. Tirana             12
4. Partizani        10
5. Barleti Volej     9
6. Apolonia          3
7. Lushnja           0
8. Flamurtari        0