ASNN – Janë luajtur dje dy ndeshjet e para të javës së 11-të të Kategorisë së Parë të Kampionatit Kombëtar të Basketbollit për Femra dhe, në Sallën Sportive “Fahrije Hoti” në kryeqytet, Tirana e ka nisur me “malore”, por e përfundon me fitore.

Studenti u ka bërë rezistencë bardhebluve të Erdal Borovës deri në fund të pjesës së dytë. Por më pas nuk ka pasur më fuqi për të reaguar ndaj kundërshtarit, që në fund ka regjistruar sukses me 22 pikë diferencë, 74-52.

Tek fitorja e munguar prej një jave është kthyer edhe Goga Basket, e cila dje pasdite ka qenë e suksesshme përballë Kamza Basket në ndeshjen e luajtur në Sallën Sportive të Bathores.

Skuadra e drejtuar nga trajneri Astrit Greva dhe ndihmësi Vladimir Xheka ka triumfuar me 20 pikë epërsi, 70-50, ndërsa dy takimet e tjera të kësaj jave luhen sot dhe, në mesditë, Vllaznia përballet në Shkodër me Elbasanin.

Ndërsa duke nisur nga ora 17:00, Skënderbeu pret në Pallatin e Sportit “Tamara Nikolla” të Korçës Flamurtarin. Vlonjatet kryesojnë 18 pikë, një më tepër sesa Goga Basket dhe Tirana, që sidoqoftë kanë luajtur një ndeshje më shumë.

Kampionati Kombëtar

i Basketbollit – Femra

Kategoria e Parë

Java e 11-të

(18-19 dhjetor 2015)

Të premten:

Tirana – Studenti                             74-52

Kamza Basket – Goga Basket       50-70

Të shtunën:

Vllaznia – Elbasani             ora 12:00

Skënderbeu – Flamurtari   ora 17:00

Renditja

Nr.       Skuadra                     N.        F.         H.        Psh-Pp           Pikë

1. Flamurtari 9        9          0          687-519         18
2. Goga Basket 10        7          3          725-632         17
3. Tirana             10        7          3          720-645         17
4. Vllaznia 9        5          4          606-580         14
5. Skënderbeu 9        5          4          657-636         14
6. Studenti 10        3          7          555-697         13
7. Kamza Basket 10        2          8          494-589         12
8. Elbasani 9        0          9          472-617         9