ASNN – Kategoria e Parë e Kampionatit Kombëtar të Futbollit ka luajtur të shtunën të gjitha ndeshjet e javës së 5-të të grupit B, si dhe 4 takimet e grupit A. Kështu, në grupin A, apo grupin e Veriut, Vllaznia vazhdon të ruajë bilancin e saj të 100 % fitore, pasi ka mundur me një gol të vetëm Veleçikun e Koplikut.

Tanimë, skuadra shkodrane kryeson me pikë të plota, 15, 5 më tepër sesa Dinamo e vendit të dytë, që u ndal në një barazim pa gola në fushën e Shënkollit. Në takimet e tjera, Vlora u mund 2-3 në shtëpi nga Burreli, kurse  Iliria e Fushë-Krujës dhe Korabi u ndanë në barazim 2-2.

Takimi i fundit i kësaj jave është ai midis Erzenit dhe Besëlidhjes, që do të luhet të dielën dhe do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 14:00. Ndërkaq, grupi B, apo grupi i Jugut i ka luajtur të shtunën të 5 ndeshjet.

Dhe takimi i sjellë për sportdashësit drejtpërdrejt nga Rrjeti i Radio-Televizionit Shqiptar, ai midis Apolonisë dhe Lushnjës është mbyllur në barazim 1-1. Në takimet e tjera u regjistruan rezultatet Oriku-Besa 1-1, Egnatia e Rrogozhinës- Tomori 3-2, Turbina e Cërrikut-Pogradecit 1-4 dhe Bylis-Elbasani 3-0.

Kategoria e Parë

Java e -5-të

Grupi A:

Të shtunën, 6 tetor 2018:

Vllaznia – Veleçiku Koplik              1-0

Shënkolli – Dinamo                         0-0

Vora – Burreli                                                2-3

Iliria Fushë-Krujë – Korabi              2-2

Të shtunën, 6 tetor 2018:

Erzeni Shijak – Besëlidhja  (14:00)

Grupi B

Të shtunën, 6 tetor 2018:

Oriku – Besa                                      1-1

Egnatia Rrogozhinë – Tomori        3-2

Turbina Cërrik – Pogradeci             1-4

Bylis   – Elbasani                              3-0

Apolonia – Lushnja                          1-1