ASNN – Besëlidhja mposht rivalët e Kamzës, fiton edhe Partizani, Teuta në krizë rrezikon “play-off”-in. Janë luajtur ndeshjet e javës së 13-të të Superligës së Kampionatit Kombëtar të Basketbollit për Meshkuj. Besëlidhja mundi 86-61 rivalët e Kamza Basket, ndeshja mes dy ekipeve më të mira në renditje.

Një ndeshje e mbizotëruar nga lezhjanët, ku u dallua Markuardt me 20 pikë, ndërkohë që 5 lojtarë të Besëlidhjes realizuan mbi 10 pikë. Fitore të lehtë korri edhe Partizani, që mundi 117-83 Skënderbeun dhe i afrohet zonës së “play-off”-it. Ndeshje pa shumë histori, ku kryeqytetasit patën gjatë gjithë kohës epërsi.

Për Partizanin u dallua Taklemariam me 30 pikë e 13 topa të zotëruar në tabelë. Zhgënjen Teuta, që u mund 83-78 në fushën e saj nga Apolonia, një rezultat disi i papritur, që zhyt në krizë durrsakët. Një ndeshje e ekuilibruar, ku për fierakët u dallua Xhons, me 28 pikë e 20 topa në tabelë.

Ai i ka bërë të pavlefshme 23 pikët e Bejkonit për durrsakët. Jashtë fushe fiton edhe Elbasani, që falë 60 pikëve të dyshes Çela-Skëndaj, mundi 85-78 Fieri Basketin.

Kampionati Kombëtar

Basketboll – Meshkuj

Superliga

Java e 13-të:

Të shtunën, 3 shkurt 2024:

Kamza Basket – Besëlidhja                          61-86

Partizani – Skënderbeu                   117-83

Fieri Basket – Elbasani                      78-85

Teuta – Apolonia                                78-83

Të dielën, 4 shkurt 2024:

Vllaznia – Tirana

Flamurtari (pushim)

Renditja

1. Besëlidhja 24 pikë
2. Kamza Basket 21 pikë
3. Tirana 19 pikë
4. Vllaznia 19 pikë
5. Apolonia 19 pikë
6. Teuta 19 pikë
7. Partizani 16 pikë
8. Elbasani 16 pikë
9. Flamurtari 15 pikë
10. Fieri Basket 12 pikë
11. Skënderbeu 12 pikë