ASNN – Superliga e basketbollit të meshkujve, Tirana fiton sërish derbin me Partizanin, Teuta rigjen suksesin pas dy humbjesh. Kështu, Tirana fitoi 103-77 ndaj Partizanit të shtunën, në ndeshjen e vlefshme për javën e 14-të të Superligës e Kampionatit Kombëtar të Basketbollit për Meshkuj.

Sfida e luajtur në Sallën Sportive “Fahrie Hoti” në kryeqytet u mbizotëruar gjatë gjithë kohës nga bardheblutë, që u shkëputën që në gjysmën e parë, ndërsa 7 lojtarë të Tiranës realizuan mbi 10 pikë secili. Fitoren e parë të këtij viti gjeti Teuta, që mundi 92-73 Vllazninë në Durrës.

Një sfidë e barazpeshuar kjo në 20 minutat e para, që u mbyllën me rezultatin e ngushtë, 42-41, për vendasit. Më pas, në gjysmën e dytë, vjen shkëputja e Teutës, që e meritoi fitoren, në një sfidë ku u dalluan Memçaj, me 29 pikë dhe Bejkënn, me 27 pikë të realizuara.

Fitore të rëndësishme, për të siguruar vendin midis më të mirave sezonin e ardhshëm, arriti edhe Elbasani, që mundi Skënderbeun në Korcë 96-74. Miqtë u shkëputën që në fillim dhe e administruan më pas epërsinë, ku dallimin për verdheblutë e bëri Skëndaj, autor i 29 pikëve.

Kampionati Kombëtar

Basketboll – Meshkuj

Superliga

Java e 14-të

Të shtunën, 10 shkurt 2024:

Teuta – Vllaznia                      92-73

Tirana – Partizani                 103-77

Skënderbeu – Elbasani         74-96

Të dielën, 11 shkurt 2024:

Flamurtari – Fieri Basket

Apolonia – Kamza Basket

Besëlidhja (pushim)

Renditja

1. Besëlidhja                 24 pikë
2. Vllaznia                     22 pikë
3. Tirana                         22 pikë
4. Kamza Basket          21 pikë
5. Teuta                          21 pikë
6. Apolonia                    19 pikë
7. Elbasani                    18 pikë
8. Partizani                    17 pikë
9. Flamurtari                  15 pikë
10. Skënderbeu 13 pikë
11. Fieri Basket 12 pikë