ASNN – Tirana mund Vllazninë dhe merr përkohësisht kreun, fitojnë edhe Teuta e Studenti. Janë luajtur të shtunën 3 ndeshjet e para të javës së 13-të të Kategorisë së Parë të Kampionatit Kombëtar të Basketbollit për Femra. Në pritje të supersfidës mes Flamurtarit dhe Partizanit, që luhet pasdite, është Tirana ajo që është ngjitur në krye të renditjes.

Vajzat bardheblutë fituan me shifrat 72-56 ndaj Vllaznisë rivale, në një ndeshje të mbizotëruar nga kryeqytetaset. Tirana u shkëput 35-21 në mbyllje të gjysmës së parë dhe më pas administroi epërsinë. Shënuesja më e mirë për Tiranën ishte Bojka me 20 pikë. Fitore të lehtë korri ndërkohë edhe ekipi i Studentit, që mundi thellë, 90-21, Barleti Basketin në kryeqytet.

Një sfidë ku u dallua Pëllumbi me 26 pikë e 11 topa të fituar në tabelë. Fiton edhe Teuta, që mundi 79-49 Elbasanin, aty Velias realizoi 25 pikë, rezultat që e afron skuadrën durrsake me zonën e “play-off”-it.

Kampionati Kombëtar

Basketboll – Femra

Kategoria e Parë

Java e 13-të

10 shkurt 2024:

Teuta – Elbasani                   79-49

Tirana – Vllaznia                   72-56

Barleti Basket – Studenti     20-91

10 shkurt 2024:

Flamurtari – Partizani

Renditja

1. Tirana 24 pikë
2. Flamurtari 23 pikë
3. Partizani 22 pikë
4. Vllaznia 20 pikë
5. Teuta 18 pikë
6. Studenti 18 pikë
7. Elbasani 15 pikë
8. Barleti Basket 13 pikë