ASNN – “Lufto për ëndrrën tënde” është botimi më i fundit i njërit prej personazheve më të spikatur të futbollit shqiptar të gjysmëshekullit të fundit, Shyqyri Rreli, i cili e sjell atë si një mesazh për brezat e rinj.

Ish-futbollisti, trajneri dhe pedagogu i njohur ka premtuar botime të tjera. Botimin më të fundit të Rrelit e kanë vlerësuar edhe njerëz të administrimit të sportit, ish-futbollistë dhe njerëz të medias.

Ky libër i Shyqyri Rrelit është promovuar të enjten e shkuar në një ceremoni të mbajtur në mjediset e Universitetit të Sportit të Tiranës.