ASNN – Trajneri i Realit të Madridit, Julen Lopetegi, është pranë shkarkimit. Rezultatet e “Los Blancos” nuk kanë qenë ato që priteshin dhe trajneri ndodhet në fije të perit. Madje në median spanjolle shkruhet se atij i është vënë kusht kthesa e menjëhershme në rezultate nëse dëshiron të jetë dhe më tej në krye të skuadrës madrilene.
Ndërkohë, mediat italiane thonë se është gjetur pasuesi i Lopetegit. Ai është italian dhe bëhet fjalë për Antonio Konten. Në tri ndeshjet e fundit, Reali ka pësuar dy humbje dhe ka marrë vetëm një barazim, rezultate këto që e kanë vënë Lopetegin në qendër të sulmeve dhe njëherësh i kanë hapur rrugën Kontes drejt klubit mbretëror spanjoll.
Emërimi i Lopetegit në krye të “Galaktikëve”, pas dorëheqjes së Zinedin Zidanit, nuk ka patur impaktin e pritshëm në klubin mbretëror. E përditshmja sportive italiane “Corriere dello Sport” ka zbuluar se të hënën drejtuesit e Realit kanë nisur kontaktet me Antonio Konten, i cili është pa punë që pas largimit nga Çellsi.
Konte vlerësohet si një nga trajnerët më të mirë në botë, kështu që në rast se shkarkohet Lopetegi do të jetë i gatshëm për të nisur punën te 13-herë kampionët e Evropës.
