ASNN – Padyshim, grupi C ishte ai që prodhoi më shumë surpriza. Dhe surpriza më e madhe ndodhi në Beograd, ku Cërvena Zvezda (Ylli i Kuq), mposhti Liverpulin e madh 2-0. Ishte një disfatë e paparashikuar për skuadrën e trajnerit Jurgen Klop, e cila, me sa duket, e kishte nënvlerësuar kundërshtarin. Në këtë ndeshje ndikoi edhe lënia jashtë skuadrës e shqiptarit Xherdan Shaqiri, lëvizje që shkaktoi mjaft polemikë në shtypin sportive anglez, gjerman dhe zviceran, pasi vendimi i Jurgen Klopit u quaj politik.
Kjo humbje mban në vend-numëro Liverpulin me 6 pikë, por me një kalendar të vështirë. Në të njëjtin grup, Napoli u përball në “San Paolo” me Paris SG-në, një ndeshje e mbyllur në barazim 1-1. Në fillim shënuan francezët, por Insinje me 11-metërsh barazoi shifrat, duke bërë që të dyja skuadrat të merrnin nga një pikë. Tashmë, grupi C është i ndërlikuar në renditje, pasi diferencat e skuadrave janë me vetëm një pikë.
Liverpuli e Napoli janë në krye me 6 pikë, kurse Paris SG-ja ka 5 pikë e serbët e Cërvena Zvezdës kanë 4 pikë, duke u rifutur në valle. Në lidhje me kalendarin mund të thuhet se vendimtare do të jenë ndeshjet direkte, ku Liverpuli pret brenda Napolin, por ka një duel jashtë fushës së vet me Paris SG. Teorikisht, Napoli dhe francezët e PSG-së kanë më shumë shanse kualifikimi, sepse kanë dhe nga një duel ndaj Cërvena Zvezdës që cilësohet më e lehtë, në letër.
Për më tepër që Napoli e pret në fushën e vet ekipin serb. Sidoqoftë, kualifikimi në këtë grup është bërë një rebus i vërtetë.
Grupi C
Renditja
Nr. Skuadra Pikë
- Liverpuli 6
- Napoli 6
- Paris SG 5
- Crvena Zvezda 4
