ASNN – Lionel Mesi ka bërë rinovimin e tij të parë për vitin 2017. Sulmuesi i Barcelonës ka nënshkruar një kontratë të re me kompaninë e mirënjohur botërore të veshjeve sportive “adidas”, një kontratë kjo që rezulton të mbajë palët të lidhur përjetësisht.

Kjo lëvizje e rikonfirmon Mesin si një ikonë të kësaj marke të njohur në nivel botëror. Ka qenë vetë argjentinasi ai që e bëri të ditur rinovimin me “adidas”, nëpërmjet një postimi në profilin e tij në rrjetin social “Facebook”.

Kjo është një tjetër goditje e markës së njohur ndërkombëtare, që, përveç Mesit, numëron si të sajat ikona të futbollit botëtor, të tilla si Mançester Junajtid, Reali i Madridit, Bajerni i Mynihut, Juventusi, por edhe Rita Orën, ndër të tjera.

Tashmë ajo që shpresohet nga Barcelonëa sa i përket argjentinasit, është zgjatja e kontratës edhe me klubin katalan, e cila skadon në vitin 2018, por që i ka mbajtur pezull të gjithë në Spanjë.

Babai i futbollistit, Horhe Mesi tashmë ka mbërritur në Barcelonë dhe drejtuesit e klubit katalan do të kërkojnë të përfitojnë nga kjo vizitë e tij për të përcaktuar detaje të tjera në lidhje me kontratën e re të futbollistit shtatshkurtër.