ASNN – Ish-lojtari i Barcelonës: “Mezi pres të zbres në fushë për sfida të reja”. Pas përfundimit të ekzaminimeve mjekësore, argjentinasi nënshkroi një kontratë 2-vjeçare me një mundësi zgjatjeje edhe për një vitin të 3-të. Lionel Mesi është një lojtar i ri i PSG-së. Kampioni argjentinas, i cili zbarkoi në aeroportin “Paris-Le Bourget” rreth orës 15:30 pasdite, duke iu nënshtruar ekzaminimeve mjekësore, para se të nisej për në hotelin që do ta priste në natën e tij të parë pariziene (e njëjta ku po qëndron Xhianluixhi Donaruma), brenda një makine të shoqëruar nga policia, ndërsa rrugët e kryeqytetit francez ishin mbushur me tifozë që festonin.

Pikërisht në hotel, ish-futbollisti i katalanasve nënshkroi kontratën që do ta lidhë atë me ekipin e trajnerit Mauricio Poçetino për dy sezonet e ardhshme, me mundësin edhe për një të tretë. Konferenca për shtyp e prezantimit do të mbahet të mërkurën në orën 11:00. “Paris SG-ja ka kënaqësinë të njoftojë nënshkrimin e një kontrate 2-vjeçare, me opsion për një vit të tretë nga Leo Mesi, – thuhet në njoftimin për shtyp të klubi francez. – Gjashtë herë fituesi i “Topit të Artë” konsiderohet një legjendë në sportin e tij dhe një frymëzim për të gjithë brezat, brenda dhe jashtë fushës.”

“Nënshkrimi i Leos përforcon ambiciet e Paris Saint-Germain dhe u ofron mbështetësve besnikë të Klubit një ekip të jashtëzakonshëm, i cili premton të krijojë momente të jashtëzakonshme futbolli për vitet në vazhdim”, – përfundon njoftimi për shtyp nga klubi francez. “Mezi pres të filloj një kapitull të ri të karrierës sime në Paris – deklaroi Lionel Mesi pas nënshkrimit të kontratës -. Klubi dhe vizioni i tij janë në harmoni të përsosur me ambiciet e mia. Unë e di se sa të talentuar janë lojtarët dhe stafi këtu.”

“Jam i vendosur të ndërtoj diçka të mrekullueshme me ta për klubin dhe për tifozët, – ka vijuar ai. – Mezi pres të shkel në barin e Stadiumit “Parc des Princes”.”