Këshilli i Ministrave që më 8 shtator ka depozituar në Kryesinë e Parlamentit projektligjin për disa ndryshime dhe shtesa në Ligjin e Sportit nr. 9376, 21 prill 2015. Ruhen institucionet, por mbetet e brishtë figura e sportistit dhe çka duhet të përfitojë pas sportit.
Përtej rregullimeve në rritjen e rolit të institucioneve sportive, kthimin dhe rritjen e kompetencave, apo dhe rritjen e anës financiare, heqjen e zhdoganimeve për materialet që vijnë nga ndërkombëtare, një ligj kështu përsëri i “arnuar” është objekt përsëri për t’u ndryshuar nga ata që do të vijnë.
Ndërsa kështu nuk është përmbushur një premtim i thënë që para zgjedhjeve të 2013-ës për një Ligj Sporti të ri dhe funksional gjithnjë në shërbim të sportit. Mbetet gjithnjë ligj sporti i arnuar… Tashmë pritet që ndryshimet e sjella nga qeveria për Ligjin e Sportit të kalojnë më parë në komisionet parlamentare, sidomos atë të edukimit dhe medias, dhe më pas në seancë plenare.
Dhe një situatë e tillë mund të kërkojë të paktën edhe një muaj. E shpresohet që të mos qëndrojë gjatë në pritje, por të miratohet sa më parë dhe të kalojë dhe afatin 15 ditor të Fletores Zyrtare për të hyrë zyrtarisht në fuqi.
