ASNN – Një tjetër futbollist i Kombëtares shqiptare ka gjetur të dielën rrugën e rrjetës me klubin e tij. Myrto Uzuni ka shënuar gol në fitoren e thellë të Ferencavrosh 5-2 ndaj Paksit në kampionatin elitar hungarez. Në minutën e 49-të të takimit teksa rezultati ishte i fiksuar në shifrat 1-1, Ferencvaroshi fiton një 11-metërsh.

Një 11-metërsh, që shndërrohet në gol nga sulmuesi shqiptar. Bëhet fjalë për golin e 9-të të sulmuesit beratas në kampionatin hungarez, që po kalon një sezon mjaft të mirë dhe ka qenë protagonist çdo javë. Uzuni është aktivizuar në 21 ndeshje deri më tani këtë sezon.

Nga këto, 18 ai i ka nisur si titullar me klubin hungarez në kampionat dhe ka dhuruar edhe 6 pasime për gol. Po këtë sezon, shqiptari ka shënuar dy gola në fazën eliminatore të Ligës së Kampioneve, duke ndihmuar ekipin e tij të kualifikohej për në fazën e grupeve, ku më pas do të realizonte edhe një gol ndaj Juventusit.