ASNN – Taulant Xhaka bind edhe në qendër të mbrojtjes dhe futbollisti i Kombëtares kuqezi përfshihet në formacionin e javës në Zvicër. Kështu, Taulant Xhaka ka fituar një vend në formacionin e javës në kampionatin zvicerian të futbollit.
Mesfushori i kombëtares shqiptare ishte protagonist me Bazelin në fitoren e thellë 7-0 në fushën e Sent Galenit. Megjithëse i aktivizuar jashtë rolit të tij, 25-vjeçari bëri një paraqitje të shkëlqyer në qendër të mbrojtjes.
Dhe për këtë u vlerësua me notën maksimale dhe me një vend skuadrën më të mirë të Superligës në Zvicër.
Po ashtu, Taulant Xhaka tregoi edhe një herë se është një nga lojtarët më të rëndësishëm të Bazelit, duke sakrifikuar edhe në role të tjera përveç mesfushës ku luan zakonisht.
