ASNN – Taulant Xhaka orientohet çdo ditë e më shumë drejt Fiorentinës. E përditshmja e mirënjohur sportive, “La Gazzetta dello Sport” i rikthehet interesimit të ekipit italian dhe më saktë të trajnerit Paulo Souza, për futbollistin e Bazelit. Për këtë arsye, nga Fiorentina duhet të largohet më parë braziliani Zhilberto.

Taulanti mund të kalojë në Serinë A, nëse oferta e klubit nga Firence do të jetë bindëse, pasi 24-vjeçari është pjesë e rëndësishme e Bazelit. Një largim më shumë i sigurt nga kampionët e Zvicrës duket Shkëlzen Gashi. Sulmuesi shqiptar, po gjen pak hapësira dhe sipas mediave italiane, Verona po mendon ta afrojë në radhët e saj.

Objektivi i kësaj skuadre që ndodhet në fundin e renditjes në Serinë A është mbijetesa dhe për ta arritur këtë duhen përforcime në sulm. Për Gashin interesohet edhe Jang Bojs i Bernës dhe Sioni në nivelin më të lartë të kampionatin zviceran të futbollit, Superliga.