ASNN – Lacio u kthye tek fitorja në kampionatin italian pas disfatës së javës së kaluar kundër Interit. Në duelin e së dielës në kuadër të javës së 11-të të Serisë A, Lacio mposhti SPAL-in me rezultatin 4-1.
Në këtë ndeshje ishte titullar i padiskutuar portieri Thomas Strakosha, i cili mori vlerësim të lartë. Në fakt e gjithë skuadra e Lacios ishte në lartësinë e kërkuar, kështu që Strakosha nuk bëri përjashtim.
Ai i zgjidhi mirë situatat që u krijuan në zonën e tij, edhe pësoi një gol në këtë fitore, dhe po konfirmohet në vijimësi si futbollist lider i Lacios, ndërsa ka hedhur kandidaturën si nr. 1 i padiskutueshëm i portës kuqezi.
