ASNN – Kompania e menaxhimit të të dhënave “ProFutballDB” ka bërë një formacion me lojtarët që janë përmirësuar më shumë gjatë muajve të fundit. Në këtë listë ku ndodhen emra të mëdhenj dhe fitues të Botërorit, si Pavard apo Mbape, është përfshirë edhe portieri Thomas Strakosha.
Në fakt, ai ka bërë një paraqitje mjaft të mirë me Lacion në Serie A italiane dhe në Ligën e Evropës. Madje Strakosha është përzgjedhur nga kompania në fjalë si portieri më i mirë dhe ideal për formacionin e yjeve. Natyrisht, rol në këtë vlerësim kanë paraqitjet me skuadrën e klubit në Itali, por edhe me Kombëtaren Shqiptare të Futbollit.
Aty ku muajt e fundit Strakosha i ka marrë rolin e titullarit Etrit Berishës. Ky vlerësim nga kompania e sipërpërmendur është dëshmi se Strakosha po rritet dhe ka tani një impakt pozitiv edhe në Evropë.
