ASNN – Sampdoria “i shkel syrin” Emanuele Ndojit, mesfushori shqiptar prioritet në merkato. Një nga futbollistët e Kombëtares që la gjurmë së fundmi në Serinë B është Emanuele Ndoji. Ai aktivizohet me Breshian dhe ka peshë në skuadër, duke qenë ndër më të mirët për këtë skuadër. Në duelin kundër Karpit, mesfushori kuqezi jo vetëm dha pasime goli për shokët, por ishte dhe vetë autor i golit të dytë në fitoren 3-1, duke qenë ndër më të vlerësuarit e skuadrës së Breshias.
Paraqitjet e tij të mira kanë bërë që të jetë në fokusin e disa skuadrave në Serinë A dhe një prej tyre është Sampdoria. Ky klubi i ka “shkelur syrin” mesfushorit kuqezi, duke e projektuar në formacionin e sezonit të ardhshëm. Grumbullimet e përhershme në ekipin përfaqësues gjatë muajve të fundit dëshmojnë se Ndoji po rritet. Nëse ai vendos të kalojë tek Sampdoria do të ketë mundësinë që sezonin tjetrë të luajë në një prej kampionateve elitare më të forta në botë.
22-vjeçari shqiptar është thuajse cdo javë në formacionin më të mirë të Serisë B dhe kjo vejn ngaqë ai luan në maksimumin e tij dhe është mjaft i qetë. Ajo që e bën të veçantë mesfushorin tonë lidhet me aftësinë e tij për të luajtur në disa pozicione, nga mbrojtja në sulm, nga krahi i djathtë në të majtin dhe kur merr një detyrë e bën me përgjegjësi të madhe. Pra Ndoji është një futbollist i kujdesshëm, i saktë dhe i qëndrueshëm në lojën e tij. Jo rastësisht ai e ka fituar një vend në Kombëtare dhe është në fokusin e Sampdorias në serinë A italiane.
