ASNN – Liga e Evropës, Lacio e Strakoshës dhe Arsenali i Xhakës zhgënjejnë, fitojnë Inter, Cellsi dhe Napoli. Lacio dhe Arsenali zhgënjyen totalisht mbrëmjen e së enjtes në Ligën e Evropës, pasi u mundën nga kundërshtarët e tyre dhe tani rrezikojnë seriozisht të eliminohen nga kjo veprimtar ende pa nisur turi i 16-shes. Brenda në kryeqytetin italian skuadra e Thomas Strakoshës u mund nga Sevilja 0-1, duke pësuar disfatë që nuk i jep kurrfarë avantazhi për ndeshjen e kthimit.

Përkundrazi, është Sevilja tashmë me një këmbë në turin tjetër. Portieri shqiptar nuk ishte fajtor tek goli dhe në duelin e së enjtes u la në baltë nga shokët e skuadrës. Një tjetër skuadër që zhgënjeu sot ishte Arsenali i shqiptarëve Xhaka dhe Mustafi. Pësoi humbje 1-0 në Bjellorusi përballë BATE Borisovit, duke rrezikuar pozitat e tij, por ka një avantazh ndryshe nga Lacio, sepse duelin e kthimit do ta luajë në fushën e vet, Stadiumin “Emirates” të Londrës.

Ndërkohë, zhgënjimi tjetër i madh ishte disfata e Gallatasarajit në Stamboll përballë Benfikës, ku humbi 1-2, duke komplikuar tërësisht pozitat e tij në këtë veprimtari e tani janë portugezët që bëjnë një hap të mirë drejt kualifikimit. Sa u takon skuadrave të tjera të mëdha, Interi fitoi me vështirësi 0-1 në fushë të huaj, ndaj ish-skuadrës së Hamdi Salihit, Rapidit të Vjenës, ndërsa Napoli mposhti thellë në Zvicër Zyrihun me rezultatin 3-1.

Fitore bindëse dhe e pastër edhe për Cellsin, i cili mundi kampionen e Suedisë, Malmoen, me shifrat 2-1. Një tjetër skuadër pretendente në këtë veprimtari, Valencia, fitoi në vizitën e vështirë skoceze me Sëlltik, me rezultatin 0-2, duke qenë tashmë me një këmbë në turin tjetër.

Liga e Evropës

Takimet e para të turit të 16-shes

14 shkurt 2019:

BATE Borisov – Arsenal                              1-0

Krasnodar – Bajer Leverkusen                   0-0

Gallatasaraj – Benfika                                  1-2

Lacio – Sevilja                                               0-1

Olimpiakos – Dinamo Kiev                          2-2

Rapid Vjenë – Inter                                       0-1

Renë – Real Betis                                        3-3

Sllavia Pragë – Genk                                   0-0

Sëlltik – Valencia                                          0-2

Klub Bryzh – Salzburg                                 2-1

FC Zyrih – Napoli                                         1-3

Malmoe – Çellsi                                            1-2

Shahtjor Donjeck – Eintraht Frankfurt      2-2

Sporting Lisbonë -Vijareal                          0-1

Viktoria Plzenj – Dinamo Zagreb               2-1