ASNN – Mbrojtësi i Shqipërisë, Marash Kumbulla do të largohet nga skuadra e Romës gjatë kësaj merkatoje dimërore, shkruante të enjten faqja e specializuar sportive italiane “Tuttomercatoweb”. Bëhet e ditur se për Kumbullën, tashmë kanë shprehur interesim Verona, Xhenoa dhe Torino.
Megjithatë, Verona është ajo kryeson garën për Kumbullën pasi tashmë i ka bërë ofertë zyrtare Romës. Verona ka kërkuar huazimin e Kumbullës deri në fund të këtij edicioni, duke pasur parasysh se sapo është rikuperuar nga operimi i gjurit dhe i nevojitet minutazh për ta kthyer formën.
Kumbulla këtë edicion nuk e ka asnjë paraqitje për Romën, ndërsa si futbollist është zhvilluar te skuadra e Veronas. Në vitin 2020, lojtari i Kombëtares kuqezi u largua nga Verona për t’u transferuar te Roma, ekip me të cilin ka kontratë deri në verën e vitit të ardhshëm.
