ASNN – Pas Ligës së Kampioneve në Nion të Zvicrës u hodh shorti edhe për fazën e eliminimeve direkt të Ligës së Evropës. Ndryshe nga aktiviteti i Ligës së Kampioneve që në këtë fazë ka 8 çifte, në Ligën e Evropës ka dysfishin, pra 16 çifte, pasi këtij grupi i janë ngjitur ekipet që përfunduan në vendin e tretë të fazës së grupeve të Ligës së Kampioneve.

Pas hedhjes së shortit , kryendeshja, ose finalja e parakohshme është ajo mes Lacios dhe Seviljes, një short “vrastar” për ekipin e Thomas Strakoshës, ku militojnë edhe shqiptarët e tjerë Berisha e Durmishi, por edhe drejtori sportiv Igli Tare. Në tërësi, ekipet italiane patën fat të mirë, pasi Interi do të përballet me Rapidin e Vjenës, ndërsa Napoli me Zyrihun e shqiptarëve.

Për Çellsin e Londrës, që llogaritet si një pretendet për trofeun, goglat rezervuan kampionen e Suedisë, Malmoen, kurse ekipi tjetër i njohur anglez, Arsenali, do të përballet me bjellorusët e BATE Borisovit. Më poshtë jepen duelet e këtij raundi në Ligën e Europës.

Liga e Evropës

Shorti i turit të 32-shes

1. Viktoria Plzenj – Dinamo Zagreb
2. Klub Bryzh – Salcburg
3. Rapid Vjenë – Inter
4. Sllavia Praga – Genk
5. Krasnodar – Bajer Leverkusen
6. FC Zyrih – Napoli
7. Malmoe – Çellsi
8. Shakhtar Donjeck – Eintraht Frankfurt
9. Sëlltik – Valencia
10. Renë – Real Betis
11. Olimpiakos – Dinamo Kiev
12. Lacio – Sevilja
13. Fenerbahçe – Zenit Shën Pjetërburg
14. Sporting Lisbonë – Vijareal
15. BATE Borisov – Arsenal
16. Gallatasaraj – Benfika