ASNN – Skuadra gjermane e FSV Frankfurtit, ku aktivizohet edhe sulmuesi shqiptar, Edmond Kapllani ka siguruar mbrëmë kualifikimin për në turin e dytë të Kupës së Gjermanisë, pasi ka mundur BFC Dinamon me rezultatin 2-0.
Protagonist ka qenë dhe sulmuesi durrsak, i cili ka shënuar një nga dy golat e fitores, duke hapur kështu rrugën për kualifikimin e skuadrës së tij për në turin tjetër të veprimtarisë së dytë më të rëndësishme të futbollit gjerman.
Kapllani ka shënuar golin e parë për FSV-në që në minutën e tretë, kur ruajti gjakftohtësinë dhe u tregua i saktë nga pika e bardhë e 11-metërshit. Më pas, është Dediçi ai që ka vulosur kualifikimin e klubit të Bundesligës së 2-të gjermane.
