ASNN – Nuk ka më dilema, Hysaj nuk është në planet e Ançelotit, pritet kalimi tek Çellsi në Premier Ligën Angleze. Trajneri i Napolit, Karlo Ançeloti përditë e më shumë po këmbëngul për një mbrojtës krahu dhe ka kërkuar nga klubi që të gjurmojnë futbollistë në Spanjë dhe në klubet e tjera italiane për këtë pozicion. Në “shënjestër” të kritikave të Ançelotit është shqiptari Elseid Hysaj.

Mbrojtësi shkodran nuk po përshtatet me skemat taktike të trajnerit të njohur italian dhe mediat italiane në përgjithësi thonë se këtë situatë po e ndjek me vëmendje Çellsi e sidomos trajneri Mauricio Sarri, që beson se Hysaj mund të jetë një lojtar që i bën punë klubit blu të Londrës. Ndërkohë, mediat italiane zbulojnë se mbrojtësi Ola Aina është ardhur nga Çellsi tek Torino dhe Napoli po projekton një shkëmbim.

Në këtë shkëmbim mund të përfshihet Hysaj, vlera e të cilit prej 60 milionë eurosh të tremb dhe i ka bërë klubet e interesuara të tërhiqen. Mbetet të shihet nëse do të realizohet ky skenar, por gjasat janë që Hysaj ta lerë Napolin në merkaton e dimrit për tu bërë pjesë e një klubi jashtë Italisë. Futbollisti i Kombëtares kuqezi nuk është aktivizuar rregullisht si në sezonet e shkuara.

Dhe Ançeloti gjithmonë e më shumë po i beson Malkuitit në krahun e djathtë. Madje klubi pranohet dhe nga burimet zyrtare ka dalë në treg dhe po kërkon mbrojtës krahu. Në këto rrethana shkodrani duhet të bëjë një zgjedhje dhe zgjedhja e tij është të kalojë në varësi të ish-trajnerit të tij Mauricio Sarri, i cili aktualisht drejton Çellsin në Premier Ligën Angleze.