ASNN – Pas surprizës së madhe që Çellsi ishte i interesuar për mesfushorin e Kombëtares tonë, Ergys Kaçe, një tjetër interesim vjen për lojtarin me origjinë nga Korça.
Bëhet fjalë për interesimin e klubit anglez të Njukasëllit, i cili po sheh mundësinë e transferimit të shqiptarit në Premier Ligën Angleze. Lajmin e kanë bërë të ditur mediat britanike, sipas të cilave Kaçe, i cili e ka përfaqësuar Shqipërinë në 12 ndeshje, është lojtar mjaft i mirë.
Faqja në internet “nufcblog.com” e ka përshkruar lojtarin e Kombëtares kuqezi si mjaft të fuqishëm, i cili po ashtu gjuan mirë nga goditja e lirë dhe ka fantazi në lojë. Mësohet se Njukasëlli ofron deri në 4 milionë euro për Kaçen.
