ASNN – Skuadra e Anderlehtit, që drejtohet nga Besnik Hasi, e mbylli pas asnjë trofe sezonin 2014-2015, megjithatë, pozicioni i trajnerit shqiptar nuk vihet në diskutim nga drejtuesit e klubit.
Sipas Drejtorit të Përgjithshëm të Anderlehtit, Herman Van Holsbek, Hasi do të jetë trajner i kësaj skuadre edhe për sezonin e ardhshëm. “Jemi shumë të kënaqur me punën e Besnik Hasit”, – ka thënë ai.
“Ai ishte zgjedhja jonë për të ndërtuar një ekip me elementë të rinj. Një trajner duhet të marrë mijëra vendime gjatë sezonit dhe nëse shumica e këtyre vendimeve kanë qenë të mira, atëherë edhe puna trajnerit duhet vlerësuar pozitivisht. Ky është rasti i Hasit”, – përfundoi Holsbek.
