ASNN – Los Anxheles Lejkërs arritën sot një fitore me vlerë në Konferencën e Perëndimit, pasi mposhtën me rezultatin 104-96 ndaj Indiana Pejsërs. Ishte një ndeshje ku Lejkërsat nuk e vunë në diskutim fitoren, sepse krijuan diferencë që në dy pjesët e para të lojës.
Në fakt, Indiana u kthye fuqishëm në lojë dhe rrezikoi fitoren e Lejkërsave, duke ngushtuar ndjeshëm diferencën, por në fund Los Anxhelesi ia doli të marrin një fitore të çmuar që e kthen tek rezultatet pozitive, por janë ende mjaft larg si një skuadër fitimtare në Konferencën e Perëndimit.
“Mbreti” i basketbollit amerikan, LëBron Xhejms, shënoi 38 pikë në këtë ndeshje, pra mbi 35 % të të gjithë pikëve që shënoi skuadra e Lejkërsave. Është meritë e Xhejmsi që skuadra po korr sukses, sepse pa këtë basketbollist fenomenal vështirë se Los Anxheles Lejkërs i këtij sezoni mund të arrijë objektivat e saj.
