ASNN – Laçi ka frenuar Tiranën në ndeshjen e zhvilluar të dielën, duke i mposhtur bardheblutë me rezultatin 3-0 dhe duke bërë që lufta për kreun e renditjes të hapet plotësisht.

Në fakt, takimi më i spikatur i së dielës, i sjellë për sportdashësit drejtpërdrejt nga Rrjeti i Radio-Televizionit Shqiptar, praktikisht e ka vendosur gjithçka brenda 45 minutave të para.

Laçjanët kanë kaluar në epërsi në minutën e 23-të me anë të Sefgjinit, ndërsa 4 minuta para përfundimit të pjesës së parë, Sheta shënon golin e dytë për vendasit, por vijon të ndëshkohet me karton verdhë, duke e lënë fushën e lojës me karton të kuq.

Megjithatë, të dyja skuadrat do të shkojnë në dhomat e zhveshjeve me barazi numerike, pasi edhe Bulku i Tiranës do të marrë kartonin e dytë të verdhë në minutën e 3-të shtesë.

Pjesa e dytë ka parë Laçin më efikas në administrimin e epërsisë dhe Tiranën të paaftë për të thyer rezistencën vendase. Madje Laçi ka gjetur edhe golin e 3-të në minutën e 81-të, me anë të Mitrajt, duke vulosur një fitore bindëse.

Po pasdreke, Elbasani është ndeshur në Pogradec Flamurtarin, në takimin që është zhvendosur në juglindje, për shkak të punimeve për pistën e atletikës së Stadiumit “Elbasan Arena”.

Kjo ndeshje u fitua nga vlonjatët me një gol të vetëm. Po për mungesë fushe, takimi Partizani-Teuta është zhvendosur në Fier, aty ku të kuqtë kanë fituar me rezultatin 2-1, ndërsa në takimin e fundit të ditës, Vllaznia ka fituar 2-0 në Shkodër ndaj Apolonisë.

Takimi i fundit i javës së saj të 23-të, ai midis Skënderbeut dhe Kukësit, luhet të hënën, duke nisur nga ora 18:00. Pas ndeshjeve të së dielës, Kukësi dhe Tirana kryesojnë me nga 47 pikë, 3 më tepër sesa Skënderbeu i vendit të 3-të dhe Partizani i vendit e 4-t.

Kategoria Superiore

Java e 23-të

Të dielën:

Laçi – Tirana                          3-0

Shënues: Segjini 23’, Sheta 41’, Mitraj 81’

Drejtpërdrejt në RTSH

Stadiumi i Laçit

Elbasani – Flamurtari           0-1

Shënues: Buval 88’

Stadiumi “Gjorgji Kyçyku”, Pogradec

Partizani – Teuta                   2-1

Shënues: Fazliu 11’, Mazrekaj 18’(11-m.) / Nika 40’(11-m.)

Stadiumi “Loni Papuçiu”, Fier

Vllaznia – Apolonia              2-0

Shënues: Soza 48’ G. Lika 56’

Stadiumi “Loro Boriçi”, Shkodër

Të dielën:

Skënderbeu – Kukësi          (18:00)

Stadiumi “Skënderbeu”, Korçë

Renditja

Nr.       Skuadra                     N.        F.         B.        H.        Gsh-Gp          Pikë

1. Kukësi 22        15        2          5        30-13              47
2. Tirana 23        14        5          4        30-15              47
3. Skënderbeu 22        13        5          4        31-10              44
4. Partizani 23        13        5          5        21-12              44
5. Laçi 23        10        8          5        28-15              38
6. Flamurtari 23        9        7          7        21-14              34
7. Vllaznia 23        9        2          12        20-25              26
8. Teuta 23        6        1          16        21-35              19
9. Elbasani 23        4        0          19        12-41              12
10. Apolonia 23        2        3          18        4-38              9