ASNN – Futbolli shqiptar është rikthyer sot në fushat e blerta me dy ndeshjet e para të javës së 9-të të Kategorisë Superiore si dhe me të gjitha takimet e dy grupeve të Kategorisë së Parë.

Në Kategorinë Superiore, duke nisur nga ora 14:00 është luajtur në Korçë dueli midis Skënderbeut dhe Vllaznisë, që është fituar nga vendasit me rezultatin 3-0. Ndërkohë, po në të njëjtën orë është luajtur në Kukës përballja midis skuadrës vendase dhe Flamurtari.

Kjo ndeshje, që ishte në fakt një përsëritje e finales së sezonit të shkuar të Kupës së Shqipërisë, ku triumfuan vlonjatët, është sjellë për sportdashësit drejtpërdrejt nga Rrjeti i Radio-Televizionit Shqiptar. Verilindorët e kanë dominuar këtë takim, dhe kanë arritur të kalojnë në epërsi 9 minuta para përfundimit të pjesës së parë, me një gol të Dushkut. Ndonëse Kukësi ka patur mundësi të shënojë në fund, kur vetëm shtylla horizontale i mohon Pejiçit golin, pjesa e parë mbyllet me epërsinë njëgolëshe të vendasve. Në pjesën e dytë, Pejiç korrigjon shënjestrën dhe shënon golin e dytë, duke vulosur fitoren e Kukësit ndaj Flamurtarit me rezultatin 2-0. Tri takimet e tjera të javës së 9-të luhen të dielën dhe, duke nisur nga ora 15:00, Laçi pret Apoloninë, ndërsa duke nisur nga ora 18:00, zhvillohen përballjet Partizani-Elbasani dhe Teuta-Tirana. Aktualisht, renditjen e Kategorisë Superiore e kryeson Kukësi, me 16 pikë, i ndjekur dy rivalet kryeqytetase, Tirana dhe Partizani, si dhe kampionia në fuqi, Skënderbeu, me nga 15 pikë secila, të ndjekura nga Flamurtari dhe Laçi, me nga 13 pikë.

Kategoria Superiore

Java e 9-të

Të shtunën, 25 tetor 2014:

KUKËSI – FLAMURTARI   2-0

Shënues: E. Dushku 36′, Pejiç 76′

Gjyqtarë: A. Koçi, R. Çokaj, E. Velo

Stadiumi “Zeqir Ymeri”, Kukës

SKËNDERBEU – VLLAZNIA   3-0

Shënues: Dimo 20′, Olajinka 58′, Vangjeli 76′

Gjyqtarë: K. Cjapi, I. Tartari, O. Grabova

Stadiumi “Skënderbeu”, Korçë

Të dielën, 26 tetor 2014:

LAÇI – APOLONIA               (14:00)

Stadiumi i Laçit

TEUTA – TIRANA                 (17:00)

Stadiumi “Niko Dovana”, Durrës

PARTIZANI – ELBASANI (17:00)

Stadiumi Kombëtar “Qemal Stafa”, Tiranë

Renditja

Nr.       Skuadra         N.        F.         B.        H.        Gsh-Gp          Pikë

1. Kukësi 9          5          1          3          10-7                16
2. Partizani 8          4          3          1          6-2                15
3. Tirana 8          4          3          1          10-5                15
4. Skënderbeu 9          4          3          2          9-4                15
5. Laçi             8          3          4          1          9-4                13
6. Flamurtari 9          3          4          2          9-6                13
7. Vllaznia 9          3          2          4          6-10              8*
8. Apolonia 8          2          1          5          2-11              7
9. Teuta 8          2          1          5          8-8                7
10. Elbasani 8          1          0          7          4-16              3

Shënim: Vllaznisë i janë hequr 3 pikë nga FIFA.