ASNN – Kategoria Superiore e Kampionatit Kombëtar të Futbollit ka luajturtë shtunën pasdreke 3 prej ndeshjeve të javës së saj të 22-të. Duke nisur nga ora 14:00, Rrjeti i Radio-Televizionit Shqiptar ka sjellë për sportdashësit takimin më të spikatur të javës, atë midis Kukësit dhe Partizanit.
Të kuqtë i kishin fituar takimet e dy fazave të para, por ky i treti ka qenë një tjetër histori, pasi Pero Pejiç i ka kaluar në epërsi verilindorët pas një çerekore lojë, me një goditje të saktë në kufinjtë e zonës. 6 minuta para përfundit të pjesës së parë, Zeqiri do të shënojë edhe golin e dytë.
Dhe, sikur të mos mjaftonte kjo, të kuqtë do të shkojnë në pushim të ndeshjes me 10 lojtarë, pas ndëshkimit me karton të kuq të Bathës. Pjesa e dytë do të sjellë edhe një gol tjetër për Kukësin, në minutën e 54-t, dhe vendasit fitojnë 3-0, duke ruajtur kreun e renditjes me 44 pikë, po aq sa ka edhe Tirana.
Kjo e fundit ka fituar 2-0 në Fushë-Krujë ndaj Elbasanit. Në takimin tjetër të orës 14:00, Teuta është mundur 1-2 nga Laçi. Ndërsa dy takimet e tjera po luhen dhe kanë nisur në ora 17:00 dhe Flamurtari po ndeshet në Vlorë Vllazninë, ndërsa kampionia në fuqi, Skënderbeu, është mysafire në Fier, ku po përballet me Apoloninë vendase.
Kategoria Superiore
Java e 22-të
Të shtunën:
Tirana – Elbasani 2-0
Shënues: Sefa 54’, Bakaj 90’+1(11-m.)
Stadiumi “Redi Maloku”, Fushë-Krujë
Kukësi – Partizani 3-0
Shënues: Pejiç 14’, Zeqiri 34’, Shameti 64’
Stadiumi “Zeqir Ymeri”, Kukës
Teuta – Laçi 1-3
Shënues: Dita 56’ / Meto 27’, Cetkoviç 52’, Zefi 90’
Stadiumi “Niko Dovana”, Durrës
Flamurtari – Vllaznia (17:00)
Stadiumi “Flamurtari”, Vlorë
Apolonia – Skënderbeu (17:00)
Stadiumi “Loni Papuçiu”, Fier
Renditja
Nr. Skuadra N. F. B. H. Gsh-Gp Pikë
- Tirana 22 14 5 3 30-12 47
- Kukësi 22 15 2 5 30-13 47
- Skënderbeu 21 12 5 4 30-10 41
- Partizani 22 12 5 5 19-11 41
- Laçi 22 9 8 5 25-15 35
- Flamurtari 21 7 7 7 17-14 28
- Vllaznia 21 8 2 11 18-22 23
- Teuta 22 6 1 15 20-33 19
- Elbasani 22 4 0 18 12-40 12
- Apolonia 21 2 3 16 4-35 9
