ASNN – Kategoria Superiore e Kampionatit Kombëtar të Futbollit ka luajtur të shtunën pasdreke takimin e parë të javës së saj të 16-të, atë midis Teutës dhe Kukësit, që është fituar nga miqtë me rezultatin 3-0. Kukësi ka arritur një fitore të lehtë në fushë të huaj ndaj Teutës, duke mposhtur vendasit 3-0 falë dy golave të Pejiçit, në minutën e 11-të dhe atë të 17-të, dhe Lushtakut në të 44-tën.

Me rezultatin e vulosur që në pjesën e parë, ndeshja nuk ofroi më asgjë në të dytën. Me këtë fitore, Kukësi ngjitet në vendin e dytë të renditjes me 32 pikë, ndërsa Teuta mbetet në vendin e tetë me 13 pikë. Java e 16-të i luan të shtunën 4 takimet e tjera të saj dhe, duke nisur nga ora 13:00, Tirana përballet në Stadiumin Kombëtar “Qemal Stafa” me Skënderbeun, në një ndeshje që do të zhvillohet pa praninë e tifozëve.

Po në të njëjtën orë, Vllaznia pret në Shkodër Laçin, ndërsa duke nisur nga ora 16:00, Partizani është mysafir në Vlorë për t’u ndeshur me Flamurtarin vendas. Po duke nisur nga ora 16:00, Apolonia pret në fushën e vet Elbasanin, në takimin që do të sillet për sportdashësit drejtpërdrejt nga Rrjeti i Radio-Televizionit Shqiptar. Renditjen e Kategorisë Superiore e kryeson Partizani, me 33 pikë, i ndjekur nga Kukësi, me një pikë më pak, dhe, më pas vijojnë Skënderbeu me 30 pikë dhe Tirana, me 29.

Kategoria Superiore

Java e 15-të

Të premten:

Teuta – Kukësi                                  0-3

Shënues: Pejiç 11’, 17’, Lushtaku 44’

Stadiumi “Niko Dovana”, Durrës

Të shtunën:

Tirana – Skënderbeu                       (13:00)

Stadiumi Kombëtar “Qemal Stafa”, Tiranë

Vllaznia – Laçi                                   (13:00)

Stadiumi “Loro Boriçi”, Shkodër

Flamurtari – Partizani                       (16:00)

Stadiumi “Flamurtari”, Vlorë

Apolonia – Elbasani                         (16:00)

Drejtpërdrejt në RTSH

Stadiumi “Loni Papuçiu”, Fier

Renditja

Nr.       Skuadra         N.        F.         B.        H.        Gsh-Gp          Pikë

1. Partizani 15        10        3          2          15-5                33
2. Skënderbeu 15        9          3          3          24-7                30
3. Tirana 15        8          5          2          18-9                29
4. Kukësi 15        9          2          4          16-10              29
5. Laçi 15        5          6          4          16-11              21
6. Flamurtari 15        4          7          4          13-10              19
7. Vllaznia 15        6          2          7          14-16              17
8. Teuta 15        4          1          10        13-19              13
9. Apolonia 15        2          3          10        4-26              9
10. Elbasani 15        2          0          14        9-29              6