ASNN – Sot është rikthyer në parket edhe niveli i dytë i Kampionatit Kombëtar të Volejbollit për Femra, që njihet ndryshe si Grupi A, me takimet e javës së tij të 6-të, që është edhe e para e fazës së dytë. Siç dihet, në këtë nivel militojnë 5 skuadra dhe, për këtë arsye, Divjaka ishte pushim për efekt kalendari.

Në takimet e luajtura sot, Apolonia ka fituar në fushën e vet, duke mposhtur Korabin me rezultatin 3-1 dhe duke u ngjitur në vendin e dytë të renditjes, me 9 pikë. Po kaq pikë ka edhe Flamurtari, që dje u mund 1-3 në Rrëshen nga Mirdita vendase.

Pavarsisht humbjes me Apoloninë, që ishte e para për këtë sezon, Korabi mban vendin e parë të renditjes, me 12 pikë, ndërsa, pavarsisht fitores me Flamurtarin, Mirdita mbetet në vendin e 4-t dhe të parafundit të renditjes, me 6 pikë.

Kampionati Kombëtar

i Volejbollit – Femra

Grupi A2

Java e 6-të

(25 shkurt 2017)

Të shtunën:

Apolonia – Korabi                3-1

Mirdita – Flamurtari              3-1

Divjaka                                   pushim

Renditja

Nr.       Skuadra         N.        F.         H.        Setet               Pikë

1. Korabi                        5          4          1          13-4                12
2. Apolonia        5          3          2          11-8                  9
3. Flamurtari      5          3          2          10-7                  9
4. Mirdita            5          2          3            7-10                6
5. Divjaka           4          0          4            0-12                0