Turneu i 3-të Lokal i Basketbollit “Tirana 2015” për Nën-14-vjeçarët (Djem), veprimtaria që është organizuar nga dy shoqatat e basketbollit shqiptar, Superior Basket dhe Sonia Basket, në bashkëpunim me Federatën Shqiptare të Basketbollit, këtë fundjavë ka përfunduar javën e 3-të. Tashmë kryesimi është bërë tresh, ndërsa Sonia Basket, Qendra e Minibasketit Tirana dhe Invaders janë në luftë për të marrë këtë trofe. Sonia Basket ka “shkatërruar” Olimpik Basket me një fitore prej 35 pikësh.

Ndërkohë që diçka më e kursyer ka qenë Qendra e Minibasketit Tirana, e cila ka fituar me 31 pikë pikë diferencë ndaj Real Basket e po kështu dhe Invaders. Rezultatin rekord të javës e ka vendosur Superior Klima, e cila ka fituar derbin e familjes me një diferencë prej 48 pikësh. E ndërkohë suksesin e parë ka marrë Marsi Basket, kurse ndeshja më me rivalitet ka qenë ajo mes Ardhmërisë dhe Horizontit, e cila është zgjidhur në sekondat e fundit të këtij takimi.

Ajo që duhet vlerësuar është fakti se basketbolli shqiptar ka tashmë veprimtari të vazhdueshme për çdo grupmoshë, ndërsa, të paktën kjo dhe sipas Sekretarit të Përgjithshëm të Federatës Shqiptare të Basketbollit, Korab Llazani, për numrin e veprimtarive në vend vjen pas futbollit. Ndaj dhe “Tirana 2015” për Nën-14-vjeçarët vijon të tërheqë vëmendjen e të gjithëve.

Turneu i 3-të Lokal i Basketbollit

“Tirana 2015” për

Nën-14-vjeçarët (Djem)

Java e 3-të

(1 mars 2015)

Alfa Basket – Marsi Basket                                    27-48

Sonia Basket – Olimpik Basket                 83-48

Real Basket – QMB Tirana                         28-69

Horizont Basket – Ardhmëria Basket       36-42

M.J. Pao – Invaders                                     30-54

Superior Klima – Superior Basket                        60-12

Renditja

Nr.       Skuadra                     N.        F.         H.        Psh-Pp                       Pikë

1. Sonia Basket 3          3          0          268-85                        6
2. QMB Tirana 3          3          0          234-116                     6
3. Invaders 3          3          0          148-98                        6
4. Superior Klima 3          2          1          137-61                        5
5. Marsi Basket 3          2          1          100-104                     5
6. Olimpik Basket 3          2          1          149-156                     5
7. Superior Basket 3          1          2          147-96                        4
8. Alfa Basket 3          1          2          71-120                      4
9. M.J. Pao 3          1          2          109-158                     4
10. Ardhmëria Basket 3          1          2          100-121                     3
11. Horizont Basket 3          0          3          124-178                     3
12. Real Basket 3          0          3          59-142                      3