ASNN – Humbja në derbi dhemb ende në klubin e Milanit. Situata nuk është aspak e mirë, e për këtë duhet ndryshimi sa më shpejt. E bëri përpara derbit e nuk donte ta përsëriste prapë. Por problemi qëndron se nga e para në të dytën, në mes qëndron një humbje e shëmtuar kundër Interit, që peshon dhe dhemb.
E tani është e qartë, se, nëse në fillim ishin vetëm pakënaqësi, tani janë me të vërtetë vërejtje nga drejtuesit. Për të gjithë, nga trajneri te skuadra. Zvonimir Boban është një nga ata që thotë atë që mendon pa shumë filtra. Prandaj nuk çudit dhe nuk bën lojëra fjalësh, por flet troç.
“Gjërat nuk janë rozë, – thotë kroati. – Duhet të përmirësohemi. Edhe trajneri kërkon një Milan ndryshe dhe më të mirë. Por për këtë duhet të përmirësojmë shumë gjëra. E vetëm me shumë punë e inteligjencë mund t’ia arrijmë.” Pika e referimit është derbi. E ultimatumi është për Marko Xhampaolon.
Në 3 ndeshje, Torino, Fiorentina e Genoa, gabimi është i ndaluar rreptësisht. E situata në “Milanelo” nuk është aspak e mirë. “Milan që humbet derbin? – thotë Bobani. – Jemi shumë të zhgënjyer sepse u mundëm. Megjithatë gjithçka do të shkojë mirë. Shpresojmë.”
“Do të bëjmë çdo gjë që skuadra të luajë mirë, ashtu si tifozët dhe ne presim. Të vazhdojmë punën, sa më mirë të jetë e mundur”, – ka përfunduar Zvonimir Bobani.
