ASNN – SIGAL Prishtina ka korrur një fitore me rezultatin 108-90 kundër KB Yllit, në ndeshjen e parë të “play-off”-it ETC Superligës së Kosovës në Basketboll për Meshkuj, të luajtur mbrëmë.
Kampioni në fuqi e Kosovës e ka nisur kështu me fitore fazën e “play-off”-it dhe prishtinasit kanë qenë më të mirë gjatë tërë takimit, duke rikonfirmuar kështu forcën e tyre këtë edicion.
Dardan Berisha ka qenë basketbollisti më i dalluar për bardhekaltërit kryeqytetas, me 33 pikë të shënuara, 5 topa të zotëruar në tabelë dhe 8 pasime për kosh. Tek Ylli, lojtari më i dalluar në këtë takim ishte Uajt, me 26 pikë të shënuara, topa të zotëruar në tabelë, dhe 1 pasim për kosh.
