ASNN – Pas vështirësive për marrjen e vizave, pingpongistët do të nisen të martën për në Zenicë për të marrë pjesë në Kampionatin Ballkanik për Të Rinj, duke shpresuar në rezultate të mira, e posaçërisht në formën e mirë të Fatih Karabaxhakut dhe Kreshnik Mahmutit.

Në qendrën sportive “Husejin Smajlović” në Zenicë të Bosnjë-Hercegovinës, nga data 6, deri 10 qershor 2018 mbahet Kampionati i 26-të Ballkanik për Të Rinjtë, për moshat Nën-15 dhe Nën-18-vjeçarët. Kampionati Ballkanik do të organizohet në shtatë disiplina në dy kategori moshe, Nën-15 dhe Nën-18-vjeçarët, për të dy gjinitë.

Disiplinat që do të zhvillohen janë: garat ekipore, individuale, çifte meshkujsh, çifte femrash dhe çifte te përziera. Përveç garave sportive do të ketë edhe takime të ndryshme, në të cilat Kosovën do ta përfaqësojë anëtari i bordit të Federatës së Pingpongut të Kosovës Ridvan Hashani.

Kosovën në këtë kampionat do ta përfaqësojnë:

Të rinj:

Kreshnik Mahmuti (Lidhja e Prizrenit)

Donat Sinani (Hasan Prishtina) dhe

Shend Raskova (Shkolla)

Trajner Ylli Maloku

Të reja:

Alma Mehmeti, (Drita)

Bleona Mehmeti, (Drita)

Lorena Elshani (Shkolla)

Trajner Jeton Azizi

Paratërinj:

Fatih Karabaxhaku, (Lidhja e Prizrenit)

Blendi Hajdari (Lidhja e Prizrenit)

Sylejman Qerkini (Ahmet Hoxha)

Trajner: Ylli Bislimi

Paratëreja:

Shega Hashani (Ahmet Hoxha)

Jerina Rexhepi (Ahmet Hoxha)

Trajner Linda Zeqiri

Gjyqtar:

• Bashkim Gashi
• Isak Maxhera

Udhëheqës i ekipit:

• Ridvan Hashani,