ASNN – Skuadra e Pejës synon të ruajë vazhdën që e ka karakterizuar nga fillimi i këtij edicioni, atë të fitoreve. Për këtë arsye, skuadra “e verdhë” kërkon që fazën e dytë të Ligës Ballkanike ta nisë sonte me fitore.
Në takimin e javës së parë të fazës së dytë, Peja ka përballë skuadrën bullgare “Levski 2014”, të cilën e ka mposhtur dy herë gjatë fazës së parë. Ndeshja e vlefshme për Grupin C zhvillohet të martën, në palestrën “Karagaçi”, duke nisur nga ora 19:30.
Në fazën e dytë, skuadra pejane është kualifikuar si kryesues e Grupit B, ku korri 7 fitore në 8 ndeshje, duke pësuar vetëm një humbje. Përveç Levskit, skuadra e Pejës në fazën e dytë të grupeve, do të përballet edhe me Kozhuvin dhe SIGAL Prishtinën.
