ASNN – Peja ka marrë kryesimin në duelin me “Kosova e Re” Bashkimi, pasi e mposhti atë me rezultatin 109-81, në ndeshjen e parë gjysmëfinale të “play-off”-it të ETC Superligës së Kosovës në Basketboll për Meshkuj.
Skuadra pejane ka luajtur më mirë dhe dominoi gjatë tërë ndeshjes, duke fituar me meritë. Në çerekun e parë, “verdhezinjtë” fituan me shifrat 24-12, ndërsa atë të dytë e mbyllën 31-22, duke bërë që në pushim të ndeshjes të shkohet me epërsinë 55-34 të vendasve.
Në atë të tretin, vendësit fituan ngushtë, 27-25, ndërsa të fundit e mbyllën 27-22, duke marrë një fitore me epërsi 28-pikëshe. Alban Veseli ka qenë më i disponuari për lojë tek ekipi fitues me 21 pikë, kurse amerikani Mark Dauson shënoi 23 pikë për mysafirët.
